Lourdes Álvarez (La Güeria d’Urbiés, Mieres), llicenciada en Filoloxía Hispánica y Especialista en Llingua Asturiana pola Universidá d’Uviéu, tien publicao estos llibros de poesía: Aldabes del olvidu, Alvízoras Llibros, 1990; Mares d’añil, Casa Municipal de Cultura de Mieres, 1992; Son del tardíu, Academia de la Llingua Asturiana, 2006; Como aquella que yeres, en Mediando les distancies, KRK, 2006 y P’anular los adioses, Ediciones Trea, 2018. Foi premiada en dos ocasiones col Premiu Teodoro Cuesta (1992 y 1994) y tamién, en dos ocasiones, col Premiu de la Crítica d’Asturies (2006 y 2019). En xineru del 2023 algama’l Premiu Nacional de Lliteratura Asturiana na so tercer edición.