Autor: Vicente García Oliva
Sinopsis
“Vicente García Oliva, que ye un home formal, un opinador d’enfotu, o seya dalguién que s’espresa dende la so honrada intelixencia con un mui sensatu sentíu críticu y, poro, convincente –nun hai más que lleer el so blogue “Trabayu de campu” pa constatalo-, lleva nes entreteles un Vicente un poco menos dulce que’l vermú y con una medio sonrisa picotera y un pocoñín amarga (con pebida dientro); tal ye’l cariz del mundu al que-y tien que poner cara. Ye como si al lleer la prensa na barra del bar les noticies lu dexaren un poco secu y un poco pimpli mesmísimamente como’l vermú, y, home de bien, notara que tenía que dicir daqué. Camiento que dende’l nomatu a la barra fueron arrodiándolu les muses y nun tuvo escapatoria; entamó a dar cuenta de les tapines de cada día. Vicente García Oliva aprendió coles sos olivines a prauticar la doméstica habilidá de pinchar con paliyu y de tirar la pebida con gracia, cola gracia precisa hasta cuando la gracia que la inspira nun tien nenguna gracia…”
Del Prólogu d’Ángeles Carbajal
Formatu: 130×180 mm
66 páxines
Fecha de publicación: setiembre de 2018
ISBN: 978-84-948487-9-7
10 euros
BaxAmar (volumen 3)