Yá nos tres poemarios anteriores de Roberto González-Quevedo (Inis Aión, L.lume de l.luz ya Pan d’amore) apaez Pesicia, esi territoriu poéticu de la l.lingua ya cultura qu’anicianon los nuesos val.les ya montes occidentales. Pero agora, en La nieve de Pesicia, conviértese nel argumentu fundamental ya nel filu conductor esta Pesicia que navega pola hestoria como un barcu inconsciente de sí. Roberto González-Quevedo tien premios l.literarios como’l Primer Premiu de Narraciones de la Diputación d’Asturies de 1981, el Premiu de la Crítica de 2002 en narrativa de l’Asociación de Escritores de Asturias, el Premiu Timón de 2010 de l’Arribada, el Premio de las Letras de 2013 a la sua trayeutoria l.literaria ya tamién el Premiu de la Crítica de l’A. E. de A. en 2015.