Verónica Canel Álvarez (Gozón, 1985). Diplomada en Trabayu Social pola Universidá d’Uviéu, exerce como tal na actualidá. Escribe’l so primer llibru El Diario de un sueño en 2004. El llibru, de lliteratura infantil, ambientáu nun pueblu ficticiu y col tresfondu de la mitoloxía asturiana, imprimióse en Francia y publicólu la Sociedá de Nuevos Autores nel segundu trimestre de 2005. Forma parte del colectivu Creactiva, que nacía en 2007 y duraría aproximadamente hasta 2010, como una apuesta común pola lliteratura y una hermandá ente toles artes. Collaboró en: Formientu: Revista de lliteratura mui moza ente los años 2007 y 2009. Proyectu Antigone, de la fotógrafa Nuria Pozas, nel que punxo poesía a dalguna de les imáxenes en 2008. Revista asturiana de cultura Campo de los Patos en 2011. Escritores Asturianes: Antoloxía de testos n’asturianu y gallego. Selmana de les lletres Asturianes en 2017.