Metá noreñense metá llastrina, Lola del Gallego Noval (1998) ye d’una xeneración con poca perspectiva de futuru, emburriada a marchar en munches ocasiones, valorando enforma lo que ye tar en casa. Estudió filosofía, política y economía, y agora prepara oposiciones pa ser profe de Xeografía y hestoria. Collabora con Píkara Magazine y publicó los sos Diarios d’Encierru con Índigo editoras, en 2020. Vive en Madrid, pero pasó per Barcelona, Granada y Arxentina, y volvió esta ciudá delles vegaes dempués de dala por muerta. Siempre tien morriña d’Asturies, anque dacuando nun s’atopa equí.