INACIU GALÁN (Xixón, 1986) ye periodista, profesor, xestor cultural y activista en defensa de los drechos llingüísticos, al frente d’Iniciativa pol Asturianu. En 2020 convirtióse en Doctor pola Universidá d’Uviéu cola máxima calificación pola tesis La llingua asturiana nel Franquismu. La so obra ta espardida per revistes como Lliteratura o Formientu, que fundó y dirixó hasta 2017, asina como en volúmenes colectivos. Fíxose con más d’una trentena de premios ente los que tán l’Urogallo de Bronce pol so llabor en favor del asturianu y el Premiu Enriqueta González-Rubín de periodismu. Autor d’obres como’l Diccionariu asturianu-inglés/inglés-asturianu (Trabe, 2006) o’l llibru infantil Nel, el coríu que nun sabía nalar (Asturtoons, 2012) nel campu poéticu asoleyó Tierra podre (Camelot, 2016) y  Nes ruines de la nueche y les hores (Trabe, 2018), poemariu que se fixo en 2016 col Premiu Fernán Coronas. En 2020 fíxose xunto a Vero Suari col Premiu María Josefa Canellada de lliteratura infantil y xuvenil.

@inaciugalan

 www.inaciugalan.com